Kadhi Yetoy Aamcha Shetkari Divas

झाला झाडू दिवस झाला योगा दिवस
कधी येतोय साहेब आमचा शेतकरी दिवस

पन्नास किलोची गोणी बघा उचलून डोक्यावर
तीन तीन हांडे पाणी आणून दाखवा डोक्यावर
शेतकऱ्याच्या सुखासाठी करा एकदा नवस
कधी येतोय साहेब आमचा शेतकरी दिवस

पोटाची खळगी तुमची ठेवा जरा उपाशी
शिळी भाकर खा आमची नका खाऊ तुपाशी
आमच्या बापासारखा काढा एकतारी दिवसकधी येतोय साहेब आमचा शेतकरी दिवस

नांगर धरून शेतात चालवून दाखवा दिवसभर
गळक्या पत्र्याच्या घरात राहून दाखवा रातभर
बिना लाईटची बघा आमची रोजची अमावस
कधी येतोय साहेब आमचा शेतकरी दिवस

विधवा झालेली शेतकरीण बघा तिचे हाल
शेतात राबणारी मोलकरीण घराविना बेहाल
तिचेही येउद्या साहेब एकदा सुगीचे दिवस
कधी येतोय साहेब आमचा शेतकरी दिवस